author-img

بقلم the army

8 فبراير 2021
0

 طريقه عمل كيكة الشوفان للدايت ومرضى السكر، كيكة النشا بصوص البرتقال، كيكة الموز بالشيكولاتة.

كيكة الشيكولاته بالشوفان 


طريقة عمل كيكة الشوفان للدايت ومرضى السكر.

كيكة الشوفان 

المقادير:

  • 2 كوب شوفان مطحون.
  • 3/4 كوب لبن.
  • 3 بيضات.
  • 1/2 كوب سكر.
  • 1/2 كوب سمن أو زبده.
  • بيكنج بودر.
  • فانيليا.
  • رشه ملح.

طريقه تحضير كيكة الشوفان :

هنضرب فى الخلاط اللبن والبيض والفانيليا والسمن والسكر كويس جدا، فى وعاء كبير هنخلط الشوفان مع البيكنج بودر ورشه الملح ونقلبهم مع بعض كويس قوى، وبعدين هنضيف عليهم المكونات السايله ونقلبهم كل ده مع بعضه بالمضرب اليدوى، هنجيب صنيه وندهنها سمن أو زبده ونرش عليها شويه دقيق، هنحط خليط الكيك فى الصنيه وندخلها فرن محمى على درجه حراره 180 لمده 20 ل 30 دقيقه، هنختبرها بخله الاسنان أو بطرف سكينه رفيعه وبعدين نطلعها من الفرن ونسيبها لغايه ما تبرد تماماً وبعدين نقلبها ونقدمها وبالهنا والشفا.

ثانياً : طريقة عمل كيكة النشا بطريقة سهله وبسيطه :

كيكة النشا بصوص البرتقال

المقادير :

  • 4 بيضات.
  • كوب سكر.
  • كوب زيت.
  • 2كوب نشا.
  • بشر برتقالة.
  • معلقه صغيره فانيليا.
  • معلقه كبيره بيكنج بودر.

مقادير صوص البرتقال :

  • 2 صفار بيضه.
  • كوب عصير برتقال.
  • كوب كريمه خفق سائلة.
  • 1/2كوب سكر.
  • 3معالق عسل أبيض.
  • معلقه صغيره فانيليا.
  • بشر برتقالة.
  • معلقه كبيره مسموحة نشأ.

طريقه التحضير :

هنضرب فى الخلاط البيض مع السكر والفانيليا وبشر البرتقال لغايه مايتقل قوام البيض ويبقى هش ،بعدين هنحط الزيت ونخفق لمده دقيقه كامله وبعدين هنضيف المكونات السايله لخليط الدقيق والبيكنج بودر ونقلبهم مع بعض لمده خمس دقائق بإستخدام المضرب اليدوى، هنجيب صنيه مدهونه سمن أو زبده ومرشوش عليه الدقيق وبعدين ندخلها الفرن محمى على درجه حراره 180 درجه مئوية لمده من 50 ل 55 دقيقه ، فى هذه الأثناء هنحضر صوص البرتقال هنخلط كل مقادير صوص البرتقال ونقلبهم مع بعض كويس قوى على البارد وبعدين هنحطهم على النار لمده 10 دقايق مع الاستمرار فى التقليب حتي يثقل قوام الصوص، هنرفع الصوص من على النار وهنسيبه يبرد تماماً، هنطلع الكيكة من الفرن بعد ما نختبرها بخله الأسنان أو بطرف سكينه رفيعه ،هنطلعها و نحط عليها من صوص البرتقال وممكن بعد ما نقطعها نضيف عليها مره تانى من صوص البرتقال وبالهنا والشفاااا.

طريقة عمل كيكة الموز بصوص الشيكولاته.

كيكة الموز

مقادير كيكه الموز :

  • 3 ثمرات موز كبار مهروسين.
  • كوب سكر.
  • كوب وربع دقيق.
  • نص كوب لبن.
  • نص كوب زيت.
  • ربع كوب كاكاو خام.
  • 2 بيضه.
  • بيكنج بودر.
  • معلقه كبيره عصير ليمون.
  • فانيليا.
  • رشه ملح.

طريقة تحضير كيكه الموز:

هنضرب فى الخلاط البيض والسكر والفانيليا ورشه الملح لمده خمس دقائق، وبعدين هنحط الزيت واللبن والموز وعصير الليمون ونستمر فى الخفق، فى وعاء كبير هنخلط المكونات الجافه وهى الدقيق والكاكاو والبيكنج بودر ونقلبهم مع بعض كويس جدا وبعدين هنضيف عليهم المكونات السايله ونخلط جميع المكونات مع بعض كويس بواسطه المضرب اليدوى، هنجيب صنيه فرن وندهنها سمن أو زبده وعليها رشه دقيق وبعدين هنزل فيها خليط الكيك وندخلها فرن محمى على درجه حراره 180 درجه مئوية لمده 20 ل 30 دقيقه أو حتى تمام النضج، هنختبر الكيكه بواسطه خله أسنان أو طرف سكينه رفيع وبعدين نطلعها من الفرن ونسيبها لغايه ما تبرد تماماً وبعدين نقلبها ونقدمها، ممكن نزينها بصوص الشيكولاته وقطع الموز وبالهنا والشفا.



عن الكاتب
author-img
the army

    تعليقات

    إرسال تعليق

    إعلان أول الموضوع
    إعلان وسط الموضوع
    إعلان آخر الموضوع
    عبدو تكنولوجي - Abdou Technologie
    [description=هذا النص يمكن أن يتم تركيبه على أي تصميم دون مشكلة فلن يبدو وكأنه نص منسوخ، غير منظم، غير منسق، أو حتى غير مفهوم. لأنه مازال نصاً بديلاً ومؤقتاً.] (facebook=https://www.facebook.com) (youtube=https://www.youtube.com) (instagram=https://instagram.com) (twitter=https://www.twitter.com)