author-img

بقلم the army

8 فبراير 2021
0

طريقة عمل البطاطس المحمره بطرق مختلفه ولذيذه.

كرات البطاطس المقرمشة محشية بالجبنة

 أولاً : كرات البطاطس باللحمه المفرومه :

كرات البطاطس باللحمه المفرومه

مقادير كرات البطاطس باللحمه المفرومه : 

  • 4 حبات بطاطس مسلوقه نصف سلقه.
  • 1/4 كيلو لحمه مفرومه متعصجه.
  • جبنه موتزريلا.
  • 3 معالق كبيره دقيق.
  • 2 معلقه كبيره نشا.
  • بابريكا.
  • ملح وفلفل حسب الرغبه.

للتغليف :

  • كوب بقسماط.
  • 2 بيضه.

طريقه تحضير كرات البطاطس باللحمه المفرومه :

نقشر البطاطس وبعدين نغسلها كويس نقطع كل حبه بطاطس إلى نصفين، ثم نقوم بسلقها فى ماء مغلى به ملح وكمون نصف سلقه فقط، ثم نرفعها من على النار ونصفيها جيدا من الماء ثم نقوم بهرسها ، هنضيف عليها الدقيق والنشا بعدين هنعجن جيدا بواسطه الايدى ثم نضيف اللحمه المتعصجه والبابريكا والملح والفلفل حسب الرغبه ، هنشكلها على هيئة كرات متوسطه الحجم ونحشيها بالجبنه الموتزريلا ونغلقها جيداً، ثم نضع كرات البطاطس فى البيض المخفوق مع رشه الملح ورشه فلفل اسود ثم فى البقسماط المبهر بالملح والبابريكا ورشه فلفل اسود،  هنحمر كرات البطاطس فى زيت غزير حتى تأخذ اللون الذهبى الجميل، هنرفعها من الزيت ونضعها على أوراق المطبخ حتى تتشرب الزيت تقدم مع الكاتشب وبالهنا والشفا.

ثانياً : عمل البطاطس بالطريقه المكسيكيه:

المقادير:

  • نص كيلو بطاطس.
  • معلقه كبيره زيت زيتون.
  • 1 بصله متوسطه الحجم مفرومه فرما ناعما.
  • 2 فص ثوم.
  • 1/2 معلقه صغيره بابريكا.
  • 1/2 معلقه كمون.
  • شطه حسب الرغبه.

طريقة تحضير البطاطس بالطريقه المكسيكيه :

هنسلق البطاطس لمده ربع ساعه ، ثم نصفيها من على النار ونقطعها ل مكعبات متوسطه الحجم ، هنشوح البصل المفروم فى الزبده ثم نضع مكعبات البطاطس ونحمرها جيدا مع البصل ثم نضيف الثوم المفروم والملح والكمون والشطه والبابريكا ونقلب جيدا من الحين للآخر لمده عشر دقائق ثم نضيف الكزبره الخضراء المفرومه ونقلبها جيدا ثم نرفع الخليط من على النار ونقدمها وبالهنا والشفا.

ثالثاً : طريقه عمل البطاطس الفريسكيس :

المقادير :

  • كيلو بطاطس مسلوق نص سلقه.
  • كوب دقيق.
  • بيضه.
  • معلقتين كبار نشأ.
  • ملح وفلفل.
  • 1/2 معلقه كبيره بيكنج بودر.
  • معلقه كبيره بابريكا.
  • كوب لبن.
  • كوب ماء.

طريقه تحضير البطاطس الفريسكيس :

هنقشر البطاطس ثم نقوم بسلقها نصف سلقه فى ماء مغلى وملح وكمون ، نرفعها من على النار ونصفيها جيدا  من الماء ونقطع البطاطس إلى أصابع سميكه ثم نقوم بخلط جميع المكونات جيدا بواسطه المضرب اليدوى ثم نقوم بوضع اصابع البطاطس فى الخليط ثم نقوم بقليها فى زيت غزير وساخن، نتركها فى الزيت حتى تتحمر وتأخذ اللون الدهبى ثم ننتشلها من الزيت ونقدمها مع الكاتشب والمايونيز وبالهنا والشفا .

- وبما أننا بنتكلم عن البطاطس المحمره فهقولكم على صوص الجبن اللذيذ عشان تقدموه مع البطاطس

طريقه عمل صوص الجبن اللذيذ.

المقادير :

  • 2 كوب حليب.
  • 2 معلقه زبده.
  •  معلقه كبيره دقيق.
  • 200 جرام جبن شيدر.
  • جبنه موتزريلا.
  • ملح وفلفل أسود.
  • رشه جوزه الطيب.
  • 2 مكعب جبن كريمى.

 طريقة تحضير صوص الجبن :

هنسيح الزبده وبعدين هننزل بالدقيق ونقلب كويس وبعدين هننزل باللبن مع التقليب المستمر، هنضيف الملح والفلفل الأسود ورشه جوزه الطيب ونقلب مره اخرى ، بعد الغليان هنضيف خليط الأجبان ونقلب جيدا حتى ذوبان خليط الجبن وبالهنا والشفاااا.




عن الكاتب
author-img
the army

    تعليقات

    إرسال تعليق

    إعلان أول الموضوع
    إعلان وسط الموضوع
    إعلان آخر الموضوع
    عبدو تكنولوجي - Abdou Technologie
    [description=هذا النص يمكن أن يتم تركيبه على أي تصميم دون مشكلة فلن يبدو وكأنه نص منسوخ، غير منظم، غير منسق، أو حتى غير مفهوم. لأنه مازال نصاً بديلاً ومؤقتاً.] (facebook=https://www.facebook.com) (youtube=https://www.youtube.com) (instagram=https://instagram.com) (twitter=https://www.twitter.com)